mércores, 7 de xuño de 2017

Libros para o verán 2017

Para deixarse atrapar pola intriga.
Patria. Fernando Aramburo
Novela. 648 páxinas.
Recomenda: Montserrat Padrón



Nel nárrase a vida de dúas familias intimamente amigas que ven enfrontadas polo conflito vasco. 

O día en que ETA anuncia o abandono das armas, Bittori diríxese ao cemiterio para contarlle á tumba do seu marido o Txato, asasinado polos terroristas, que decidiu volver á casa onde viviron. Poderá convivir con quen a acosou antes e despois do atentado que trastornou a súa vida e a da súa familia? Poderá saber quen foi o encapuchado que un día chuvioso matou o seu marido…







Para deixarse atrapar pola intriga.
Chamábase Luis. Marina Mayoral
Novela. 168 páxinas.
Recomenda: Montserrat Padrón


Este libro lémbrame un pouco a crónica dunha morte anunciada, xa que desde o principio sabes que Luís vai morrer pero a historia engánchate ata o final e faise curta. Relata a vida de Luís, drogadicto desde os 20 anos. 

Marina Mayoral retrata nesta excepcional novela unha vida condicionada pola droga, mais non fala do cartel de Medellin, do senador hipocrita ou o noveno intermediario. Elixe un de tantos, un ionqui. Luis, trinta anos, dous fillos de trece e oito anos. Vivia sen traballar, a costa da familia e do que sacaba de arrapañar no alleo …







Para deixarse atrapar pola intriga.
La vegetariana. Han Kang
Novela. 240 páxinas.
Recomenda: Montserrat Padrón

Gañou o Man Booker Prize International. Nel relátase como unha dedicada esposa deixa de facer fronte á súa "obrigación de alimentar adecuadamente ao seu marido" xa que decidiu facerse vegetariana. No libro reflíctese moi ben o coñecemento distinto que teñen as persoas unhas doutras.












Para rir :)

Stepanchikovo y sus moradores. Fiódor Dostoyevsky
Novela. 240 páxinas.
Recomenda: Rubén Mourille



Un clásico do humor ruso que profunda con ironía nas características psicolóxicas do ser humano.

Publicada en 1859, non é unha novela típica de Dostoievski. Nela non atopará o lector descenso algún aos infernos da psique. Pero tampouco é unha mera comedia das de tortas á crema. É unha comedia moi divertida, sen dúbida, na que a precisión psicolóxica do autor crea, con todo, un dos personaxes máis singulares e inesquecibles da historia…









Para deixarse atrapar pola intriga.
A qué esperan los monos... . Yasmina Khadra
Novela. 368 páxinas.
Recomenda: Rubén Mourille




Novela de intriga política e policíaca na que lle encargan a Nora a investigación dun extrano crime, pero vaise atopar cos obstáculos dá corrupción e ou abuso de poder para resolvelo.

No silencio do bosque de Bainem aparece o corpo espido dunha moza atractiva, coidadosamente maquillada. Ten unha estraña e cruel mutilación, coma se fose vítima dun ritual. Encoméndanlle o caso ao equipo da comisaria Nora Bilal, unha muller de fortes conviccións que non o vai a ter fácil.…






Para deixarse atrapar pola intriga.
La noche de la Usina. Eduardo Sacheri.
Novela. 376 páxinas.
Recomenda: María Cristina Nanín



Premio Alfaguara de novela de 2016, ambientada na Arxentina do corralito, é a historia dunha venganza narrada humor negro .

Nun pobo perdido da provincia de Buenos Aires, moitas cousas están a piques de extinguirse. Durante a crise económica de 2001 que desembocou no corralito bancario, un grupo de veciños proponse reunir o diñeiro necesario para levar a cabo un proxecto que podería ser unha saída da decadencia e a pobreza…






Para que algúns malos nos caigan ben...
Cuando llega la penumbra. Jaume Cabré.
Novela. 376 páxinas.
Recomenda: María Cristina Nanín




Jaume Cabré, coa súa mestría habitual, preséntanos un conxunto de relatos curtos, sobre divesas modalidades do MAL.

Un neno con medo que se rebela contra a tiranía do seu mestre, un asasino que se confesa ante a súa próxima vítima, un ladrón absorbido polo cadro que acaba de roubar, un escritor que ameaza ao seu editor con suicidarse, un ancián que pasea polos escenarios onde loitou durante a guerra. Todas elas son historias que tocan a fibra, e que se entrelazan e visítanse as unhas ás outras…





Para cando sobra o tempo...
A triloxía do Batzán. Dolores Redondo.
Novela. 288 páxinas.
Recomenda: Alberto Mariño



A triloxía do Batzán de Dolores Redondo.

Nas marxes do río Baztan, no val de Navarra, aparece o corpo espido dunha adolescente nunhas circunstancias que o poñen en relación cun asasinato ocorrido nos arredores un mes atrás.

A inspectora da sección de homicidios da Policía Foral, Amaia Salazar, será a encargada de dirixir unha investigación que a levará devolta a Elizondo, unha pequena poboación de onde é orixinaria e da que tratou dehuir toda a súa vida…






Para cando sobra o tempo...
El castillo. Luis Zueco.
Novela. 688 páxinas.
Recomenda: Alberto Mariño



A idade media en Aragón. Como "Pilares de la tierra" pero no noso país...

Unha novela sobre a construción do grandioso e impoñente castelo de Loarre.O soño duns homes e mulleres que desafiaron o seu destino fai mil anos. Entre a Terra Chaira e o Pirineo aragonés atópase o monumento militar románico máis importante de Europa: o castelo-abadía de Loarre, unha fortaleza impresionante, construída cando esa zona era unha perigosa terra de fronteira. Como se edificou? Quen logrou tal fazaña?





Para viaxar no tempo...
Inquietud en el Paraíso. Óscar Esquivias.
Novela. 372 páxinas.
Recomenda: Sara Valiño



Óscar Esquivias, Premio Castela e León das Letras deste ano, é o único autor do que me lin toda a súa obra seguida. desde o primeiro libro atrapoume polo seu dominio da linguaxe e as súas divertidísimos diálogos. Dos seus libros, este é o meu preferido…

Unha tarde de verán de 1936, os asistentes a unha conferencia no Salón de Recreo do Teatro Principal de Burgos escoitan unha afirmación disparatada: Dante, para escribir a Divina Comedia, visitou en vida o Purgatorio. O conferenciante (que considera Il purgatorio como un verdadeiro libro de viaxes) crese en condicións de dirixir unha nova excursión…




Para rir :)
Ha vuelto. Timur Vermes.
Novela. 384 páxinas.
Recomenda: Sara Valiño



Hitler "resucita" en Berlin en 2001. Ten que adaptarse a unha nova realidade pero segue fiel ás súas ideas. Contado en primeira persoa e en clave de humor, e con interesantes referencias ao poder e a propaganda por medio da televisión e as redes sociais.

“Ha vuelto” foi un gran éxito de vendas en Alemaña, e mesmo existe un proxecto cinematográfico en marcha. O seu segredo é a gran carga de humor da obra, que está chea de equívocos e de enxeñosos diálogos. A adaptación de Hitler á realidade actual é a base dos primeiros capítulos da novela, nos que se mostra desconcertado…



Para poñerse ao día.
Una historia de la música. Howard Goodall.
Novela. 384 páxinas.
Recomenda: Sara Valiño



A contribución da música á civilización, de Babilonia aos Beatles.

Hai non tanto tempo, a música era un murmurio ocasional e débil nunha paraxe silenciosa. Agora é tan ubicua como o aire que respiramos. Como diaños ocorreu ese milagre?

A música é unha parte intrínseca da vida diaria e, con todo, a historia do seu desenvolvemento, desde unhas simples notas ata a orquestración máis rica, pode parecer un tema complexo, para especialistas…






Para reflexionar...
Tenemos que hablar de Kevin. Lionel Shriver.
Novela. 608 páxinas.
Recomenda: Susana Costoya



A novela trata unha historia violenta, pero para contala, a autora fuxe do morbo fácil e céntrase nas causas e nas consecuencias dese feito atroz. Con unha prosa rica e elaborada aborda diversas cuestións que levan ó lector a reflexionar sobre a maternidade, a incondicionalidade ou non do amor materno-filial, a educación dos fillos ou se a maldade é algo adquirido ou innato. E de fondo, unha análise sobre a sociedade norteamericana.O final, aínda que previsible, non deixa de ser impactante…






Para collelo en distintos momentos e
abrilo por caquera das súas páxinas...
El libro de los abrazos. Eduardo Galeano.
Novela. 608 páxinas.
Recomenda: Susana Costoya




O libro componse de 191 relatos breves que abarcan temas diversos, cheo de frases para recordar e para sorrir.
Póñovos unha pequena mostra “puro estilo Galeano”:


Silba el viento dentro de mí 
Estoy desnudo. Dueño de nada, dueño de nadie, 
ni siquiera dueño de mis certezas, 
soy mi cara en el viento, a contraviento, 
y soy el viento que me golpea la cara.




Para viaxar no tempo...
La sal de la vida. Anna Gavalda.
Novela. 108 páxinas.
Recomenda: Laura Nóvoa



Una novela alegre e vibrante, un canto à nenez e ao amor entre irmans, unha historia de liberdade, unha historia contra a tristeza.

Simone, Garance e Lola, tres irmáns que se fixeron xa maiores, foxen dunha voda familiar que promete ser aburridísima para ir atoparse nun vello castelo con Vincent, o irmán pequeno. Esquecéndose de maridos e esposas, fillos, divorcios, preocupacións e tristezas, vivirán un último día de infancia roubado á súa vida de adultos...






Para poñerse ao día...
Me llamo Noyud. Delphine Minoui.
Novela. 160 páxinas.
Recomenda: Laura Nóvoa



Estremecedor testimonio escrito por Delphine Minoui. A historia dun pequena de Yemen que osou desafiar as tradicions do seu País.
Unha historia de valentía. Un exemplo para todas as mulleres. E para todos aqueles que pensan que as cousas se poden cambiar loitando.

Chámome Noyud e son unha nena iemení. Teño 10 anos, ou iso creo. No meu país os nenos campesiños carecen de documentos, xa que non se lles rexistra ao nacer. O meu pai casoume á forza cun home que me levaba trinta anos. Pegoume e abusou sexualmente de min…



venres, 2 de xuño de 2017

Reunión de xuño de 2017

Reunímonos o próximo día 6 de xuño, martes, ás 11 da mañá na sala de xuntas do centro.

Na última reunión, deste curso, trataremos: 
• X Xornada dos Clubs de Lectura
• Devolución dos exemplares prestados
• Libros para o verán. 

Charlaremos sobre as lecturas do verán; Para viaxar no tempo ou no espazo, para poñerse ao día dos títulos dos que máis se falou durante o ano, para abordar aqueles que necesitan moitas horas por diante ou simplemente para gozar. 16 Obras seleccionadas e que nos recomendan os nosos expertos lectores do club.

Esperamos vervos a todos!
Libros xa preparados.
Un afectuoso saúdo.

martes, 2 de maio de 2017

Xuntanza de maio de 2017

4 de maio, xoves, ás 11 da mañá na sala de xuntas do centro.
A nosa compañeira Susana Costoya vai a presentar o libro do mes "Llamando a las puertas del cielo" de Jordi Sierra i Fabra.
Esperamos vervos a todos!
Un afectuoso saúdo


Especial Letras Galegas 2017
Este ano o Día das Letras Galegas lembra a figura de Carlos Casares e o club de lectura acércase á súa figura. Foi profesor de ensino secundario, director da editorial Galaxia e deputado no Parlamento de Galicia. 
Carlos Casares - Club de Lectura. Maio 2017


 Mais a principal de todas as súas actividades foi a de ser escritor. Escribiu seis novelas, dous libros de relatos, varias biografías de persoas importantes na historia e literatura galegas e bastantes contos para nenos e nenas, entre os cales o máis famoso é A galiña azul. Tamén escribiu unha obra de teatro, As laranxas máis laranxas de todas as laranxas, e miles de artigos para xornais e revistas.

Carlos Casares - Vida e literatura.
Damián Villalaín, amigo e colaborador de Carlos Casares, realiza neste libro un emocionante retrato de proximidade do escritor e editor 
 no Día das Letras Galegas de 2017.

Conversas con Ánxel Fole
Carlos Casares pregunta e Ánxel Fole responde. O resultado é abraiante: unha das personalidades máis fortes e ricas da Galicia do século XX dá as súas orixinais e particularísimas opinións sobre a literatura, a pintura, a violencia, a música, a gastronomía, a xente… Con imaxinación e agudeza, Fole non ten inconveniente en dicir o que pensa.





domingo, 2 de abril de 2017

Reunión de abril de 2017

6 de abril, xoves, ás 11 da mañá na sala de xuntas do centro.
Recuperamos unha frase soada de Pablo Neruda que nos serve de inspiración para o deseño do cartel do mes de abril: “Ler no século XXI”.
Os libros que máis che axudan
son aqueles que máis che fan pensar.
Un gran libro dun gran pensador
é un buque de pensamento,
cargado de beleza e verdade.
Cartel de abril de 2017
Patrick Rothfuss no club de lectura

Os distintos formatos nos que se editan os libros hoxe en día facilitan a lectura. Un libro electrónico ou unha tablet son ferramentas para poder gozar de calquera obra. Afortunadamente, a mocidade parece engancharse á lectura.
Sagas como “Harry Potter” ou “El nombre del viento” -da triloxía Crónica del Asesino de Reyes- provocaron que millóns de lectores novos comecen a gozar dunha novela que, con seguridade, levaralles a outras.


A obra seleccionada para este mes foi moi valorada na sección "Recomenda un Libro".
Falamos do libro “El nombre del viento” de Patrick Rothfuss. A obra publicouse en máis de trinta países e considérase o debut máis fulgurante en literatura fantástica dos últimos anos. Obtivo o Premio Quill ao mellor libro de literatura fantástica.


A nosa compañeira Sara Valiño vai a presentar esta novela. Unha incrible historia que nos mergullará nun mundo fantástico.

Esperamos vervos a todos!
Un afectuoso saúdo

xoves, 2 de marzo de 2017

Xuntanza de marzo de 2017

Reunímonos o próximo día 7 de marzo, martes, ás 11 da mañá na sala de xuntas do centro.
Coa primavera xa ás portas, presentamos o cartel para este mes de marzo, inspirado nunha frase da guionista e directora de cinema estadounidense "Nora Ephron".
Ler o é todo. Faime sentir que logrei algo, que aprendín algo, que son mellor persoa.


Cartel de marzo de 2017
Este mes a obra seleccionada alcanzou a maior puntuación da sección "Recomenda un Libro".

Estamos a falar do libro "Vestido de novia",
do escritor francés Pierre Lemaitre, que fai uns anos fíxose co máximo galardón literario do seu país: o premio Goncourt. Un premio que se outorga desde fai máis de cen anos e que obtivo grazas á súa novela "Nos vemos allá arriba".

Estudou psicoloxía, e dedicou gran parte da súa carreira á formación de adultos, ensinando diversos temas relacionados coa literatura. Ata que, definitivamente en 2006, centrouse na escritura como a súa única profesión. Conseguiu que varias das súas novelas se traducisen a decenas de idiomas, que só sete anos máis tarde recibiría ese prestixioso premio.
Pierre Lemaitre no club de lectura




A nosa compañeira Laura Nóvoa vai  presentar o libro e falaranos deste marabilloso thriller.

Esperamos vervos a todos!
Libros xa preparados.
Un afectuoso saúdo.

xoves, 2 de febreiro de 2017

Reunión de febreiro de 2017

O tema para a reunión de febreiro: “O valor das palabras”, que describe moi ben 
o novelista e poeta británico, galardoado co premio Nobel de literatura en 1983
William Gerald Golding.


“Hai que reivindicar o valor da palabra, que pode cambiar o noso mundo
aínda nesta época de satélites e computadoras”.


Nesta ocasión os nosos compañeir@s máis novos do club van dirixir a sesión e contarannos as impresións dos textos que estamos a ler. Unha charla que promete ser moi interesante. 
Seguro que teñen moitas cousas que dicir e achegar.

Falaremos tamén de cinema. Das obras seleccionadas polo club e que foron adaptadas ao formato da gran pantalla.

Quedamos pois para o próximo día 7 de febreiro, martes, ás 11 da mañá na sala de xuntas do centro.

martes, 10 de xaneiro de 2017

Xuntanza de xaneiro de 2017

Estimados compañeir@s:

Os nosos mellores desexos para todos os amantes dos libros.
Boa entrada ao ano novo e que compartamos moitas lecturas!!

Reunímonos o próximo día 12 de xaneiro, xoves,
ás 11 da mañá na sala de xuntas do centro.

Os nosos compañeiros Cristina Nanín
e Alberto Mariño realizarán os comentarios
das obras seleccionadas.

Esperamos vervos a todos!
Libros xa preparados.
Un afectuoso saúdo.